Bashkëshortja e Zelenskyt hap ekspozitë në Nju Jork, i pranishëm edhe Rama

16:39 | 21 Shtator 2023
E.G

Zonja e parë e Ukraines, Olena Zelenska që shoqëroi bashkëshortin në Asamblenë e Përgjithshme të Kombeve të Bashkuara, gjatë qëndrimit në Nju Jork ka hapur  në bashkëpunim me UNESCO një ekspozitë.

“Ndërtimi i paqes dhe qëndrueshmërisë përmes kulturës” ishte tema e kësaj ekspozite që kishte për qëllim të kërkojë solidaritet ndërkombëtar për mbrojtjen e kulturës në zona e konfliktet ushtarake si dhe të demonstrojë rolin që luan kultura në paqe, qendrueshmëri dhe zhvillim.

Ekspozita përmban fotografi të monumenteve arkitekturore të Ukrainës të shkatërruara nga agresioni rus.

Në hapjen e saj i pranishëm ishte dhe Kryeministri i Shqipërisë, Edi Rama në cilësinë e presidentit të radhës së Këshillit të Sigurimit të Kombeve të Bashkuara./tvklan

Shpërndaje në rrjete sociale

Lajmet më të lexuara

Të ngjashme

Foto lajm